ਰੂਪਨਗਰ, 29 ਅਗੱਸਤ (ਕੁਲਵਿੰਦਰ ਜੀਤ ਸਿੰਘ): ਬਾਦਲ ਪਰਵਾਰ ਨੇ ਖੁਦ ਨੂੰ ਅਤੇ ਅਪਣੇ ਰਜਵਾੜੇ ਮੰਤਰੀਆਂ ਨੂੰ ਰਿਆਇਤਾਂ ਬਰ ਕਰਾਰ ਰੱਖਣ ਖਾਤਰ ਅੱਜ ਪੰਜਾਬ ਦੇ ਹਰ ਸ਼ਹਿਰੀ ਨੂੰ ਸਵੇਰੇ ਬਿਸਤਰੇ ਤੋਂ ਉ¤ਠਣ ਤੋਂ ਲੈ ਕੇ ਅਪਣੇ ਕੰਮ ਵਾਲੀ ਜਗ੍ਹਾ ਪਹੁੰਚਣ ਤਕ ਹਰ ਕਦਮ ਉ¤ਤੇ ਟੈਕਸਾਂ ਵਿਚ ਵਾਧਾ ਕਰ ਕੇ ਇਨ੍ਹਾਂ ਪ੍ਰਤੀ ਗ਼ੈਰ ਹਮਦਰਦੀ ਅਤੇ ਅਪਣੀ ਖੁਦਗਰਜ਼ੀ ਦਾ ਸਬੂਤ ਪੇਸ਼ ਕੀਤਾ ਹੈ। ਪੰਜਾਬ ਸਰਕਾਰ ਵਲੋਂ ਚਲਾਈ ਗਈ ‘ਟੈਕਸ ਵਧਾਓ ਮੁਹਿੰਮ’ ਵਿਚ ਕਲ ਫਿਰ ਅਨੇਕਾਂ ਕਿਸਮਾਂ ਦੇ ਟੈਕਸਾਂ ਦੇ ਕੀਤੇ ਵਾਧੇ ਉ¤ਤੇ ਤਿੱਖਾ ਪ੍ਰਤੀਕਰਮ ਪ੍ਰਗਟ ਕਰਦਿਆਂ ਮੈਂਬਰ ਪਾਰਲੀਮੈਂਟ ਸ. ਰਵਨੀਤ ਸਿੰਘ ਬਿੱਟੂ ਨੇ ਨਿਚੋੜ ਪੇਸ਼ ਕਰ ਕੇ ਦਸਿਆ ਕਿ ਪ੍ਰਾਪਰਟੀ ਟੈਕਸ, ਆਟਾ ਦਾਲ ਵਗੈਰਾ ਉ¤ਤੇ ਟੈਕਸ ਵਾਧਾ, ਬਿਜਲੀ ਰੇਟਾਂ ਵਿਚ ਵਾਧਾ, ਗੱਡੀ ਦੀ ਰਜਿਸਟਰੇਸ਼ਨ ਫੀਸ ’ਚ ਭਾਰੀ ਵਾਧਾ ਕੀਤੇ ਜਾਣ ਤੋਂ ਲਗਦਾ ਹੈ ਕਿ ਸਰਕਾਰ ਆਉਣ ਵਾਲੇ ਸਮੇਂ ਵਿਚ ਜੀਵਨ ਟੈਕਸ ਤੇ ਸਾਹ ਲੈਣ ’ਤੇ ਵੀ ਟੈਕਸ ਲਗਾ ਸਕਦੀ ਹੈ। ਪੰਜਾਬ ਸਰਕਾਰ ਵਲੋਂ ਰਿਟਾਇਰਮੈਂਟ ਤੋਂ ਬਾਅਦ ਦੋ ਸਾਲ ਤਕ ਮੁਲਾਜ਼ਮਾਂ ਨੂੰ ਦੋਬਾਰਾ ਨੌਕਰੀ ਦੇਣ ਦੀ ਨੀਤੀ ਉ¤ਤੇ ਉਨ੍ਹਾਂ ਗਹਿਰਾ ਦੁੱਖ ਪ੍ਰਗਟ ਕੀਤਾ।