ਮੋਗਾ, 29 ਅਗੱਸਤ (ਹਰਬੰਸ ਸਿੰਘ/ਗੁਰਜੰਟ ਸਿੰਘ/ਸਵਰਨ ਸਿੰਘ): ਜ਼ਿਲ੍ਹਾ ਮੋਗਾ ਦੇ ਐਸ. ਐਸ. ਪੀ. ਸੁਰਜੀਤ ਸਿੰਘ ਗਰੇਵਾਲ ਨੇ ਦਸਿਆ ਕਿ ਸ੍ਰੀ ਜਸਵਿੰਦਰ ਸਿੰਘ ਘਾਰੂ ਡੀ. ਐਸ. ਪੀ. ਨਿਹਾਲ ਸਿੰਘ ਵਾਲਾ ਦੀ ਅਗਵਾਈ ਹੇਠ ਇੰਸਪੈਕਟਰ ਜਸਪਾਲ ਸਿੰਘ ਇੰਚਾਰਜ ਸਪੈਸ਼ਲ ਟ੍ਰੈਫ਼ਿਕ ਸਟਾਫ਼ ਮੋਗਾ ਵਲੋਂ ਸਮੇਤ ਪੁਲਿਸ ਪਾਰਟੀ ਬਾਹੱਦ ਪਿੰਡ ਤਲਵੰਡੀ ਭੰਗੇਰੀਆਂ ਦੌਰਾਨੇ ਗਸ਼ਤ ਮੁਖਬਰ ਦੀ ਖਾਸ ਇਤਲਾਹ ’ਤੇ ਛਾਪਾ ਮਾਰ ਕੇ ਸੁਖਦੇਵ ਸਿੰਘ ਉਰਫ਼ ਸੁੱਖਾ ਦੇ ਮਕਾਨ ਵਿਚੋਂ ਭੁੱਕੀ ਚੂਰਾ ਪੋਸਤ ਦੀਆਂ 184 ਬੋਰੀਆਂ ਵਜਨੀ (38/38 ਕਿਲੋਗ੍ਰਾਮ ਹਰੇਕ) ਬਰਾਮਦ ਕੀਤੀਆਂ ਗਈਆਂ ਹਨ ਜਿਨ੍ਹਾਂ ਦੀ ਕੁਲ ਬਾਜ਼ਾਰੀ ਕੀਮਤ 73 ਲੱਖ 60 ਹਜ਼ਾਰ ਰੁਪਏ ਬਣਦੀ ਹੈ। ਉਨ੍ਹਾਂ ਦਸਿਆ ਕਿ ਮੌਕੇ ’ਤੇ ਦੋਸ਼ੀ ਜਗਸੀਰ ਸਿੰਘ ਉਰਫ਼ ਸੀਰਾ ਪੁੱਤਰ ਰਾਜ ਸਿੰਘ ਵਾਸੀ ਰਾਊਕੇ ਰੋਡ, ਬੱਧਨੀ ਕਲਾਂ ਹਾਲ ਆਬਾਦ ਮੁਹੱਲਾ ਬੇਰੀਆ ਮੋਗਾ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ ਅਤੇ ਦੋਸ਼ੀ ਸੁਖਦੇਵ ਸਿੰਘ ਉਰਫ਼ ਸੁੱਖਾ ਅਤੇ ਗੁਰਚਰਨ ਸਿੰਘ ਉਰਫ਼ ਚੰਨਾ ਮੌਕੇ ਤੋਂ ਫਰਾਰ ਹੋਣ ਵਿਚ ਸਫ਼ਲ ਹੋ ਗਏ। ਉਨ੍ਹਾਂ ਦੱਸਿਆ ਕਿ ਇਹ ਦੋਸ਼ੀ ਰਾਜਸਥਾਨ ਤੋਂ ਭਾਰੀ ਮਾਤਰਾ ਵਿੱਚ ਭੁੱਕੀ ਚੂਰਾ ਪੋਸਤ ਲਿਆ ਕੇ ਛੋਟੇ ਵਹੀਕਲਾਂ ਰਾਹੀਂ ਅੱਗੇ ਅਪਣੇ ਗਾਹਕਾਂ ਨੂੰ ਵੇਚਦੇ ਸਨ। ਦੋਸ਼ੀਆਂ ਪਾਸੋਂ ਇਕ ਟਰੱਕ, ਇਕ ਬੁਲੈਰੋ ਕੈਪਰ, ਇਕ ਮੋਟਰ ਸਾਈਕਲ ਅਤੇ ਇਕ ਬਜਾਜ ਚੇਤਕ ਸਕੂਟਰ ਵੀ ਬਰਾਮਦ ਕੀਤਾ ਗਿਆ ਹੈ। ਜ਼ਿਕਰਯੋਗ ਹੈ ਕਿ ਦੋਸ਼ੀ ਸੁਖਦੇਵ ਸਿੰਘ ਉਰਫ਼ ਸੁੱਖਾ ਜੋ ਸਜ਼ਾ ਕੱਟ ਰਿਹਾ ਸੀ, ਹੁਣ ਜੇਲ ਵਿਚੋਂ ਪੈਰੋਲ ਰਿਹਾਈ ’ਤੇ ਆਉਣ ਤੋਂ ਬਾਅਦ ਭਗੌੜਾ ਹੋ ਗਿਆ ਸੀ।