ਨੰਗਲ, 11 ਅਗੱਸਤ (ਕੁਲਵਿੰਦਰ ਜੀਤ ਸਿੰਘ):  ਪੰਜਾਬ ਵਿਚ ਲੰਮਾਂ ਸਮਾ ਕਰੈਸ਼ਰ ਉਦਯੋਗ ਬੰਦ ਰਹਿਣ ਤੋਂ ਬਾਅਦ ਇਕ ਵਾਰ ਸ਼ੁਰੂ ਤਾਂ ਹੋਇਆ ਪਰ ਇਸ ਸ਼ਰਤ ਨਾਲ ਕਿ ਸਿਰਫ਼ ਬਚੇ ਹੋਏ ਮਾਲ ਨੂੰ ਹੀ ਤਿਆਰ ਕੀਤਾ ਜਾਵੇਗਾ ਪਰ ਸ਼ਾਇਦ ਇਹ ਪ੍ਰੈ¤ਸ ਅਤੇ ਨਿਗ੍ਹਾ ਰੱਖਣ ਵਾਲੇ ਵਾਤਾਵਰਨ ਪ੍ਰੇਮੀਆਂ ਨੂੰ ਝਕਾਨੀ ਹੀ ਸੀ ਅਤੇ ਕਾਰੋਬਾਰ ਦੇ ਚਲਦਿਆਂ ਹੀ ਰੇਤਾ, ਬਜ਼ਰੀ ਨਾਲ ਸਬੰਧਤ ਸਾਰੇ ਹੀ ਜਾਇਜ਼ ਅਤੇ ਨਾਜਾਇਜ਼ ਕਾਰੋਬਾਰ ਵੀ ਸ਼ੁਰੂ ਹੋ ਗਏ। ਇਸ ਉਦਯੋਗ ਦੇ ਬੰਦ ਹੋਣ ਨਾਲ ਟਿੱਪਰ ਉਦਯੋਗ ਨੂੰ ਵੀ ਭਾਰੀ ਮਾਰ ਪਈ ਸੀ ਤੇ ਟਿੱਪਰ ਉਦਯੋਗ ਪੂਰੀ ਤਰ੍ਹਾਂ ਨਾਲ ਲੜਖੜਾ ਗਿਆ ਸੀ। ਕਈ ਟਿੱਪਰ ਮਾਲਕਾਂ ਕੋਲ ਤਾਂ ਕਿਸ਼ਤਾਂ ਭਰਨ ਜੋਗੇ ਪੈਸੇ ਵੀ ਨਹੀਂ ਰਹੇ ਸਨ। ਉਦਯੋਗ ਚੱਲਣ ਨਾਲ ਟਿੱਪਰ ਨਾਲ ਟਿੱਪਰ ਮਾਲਕਾਂ ਨੂੰ ਵੀ ਆਸ ਬੱਝ ਗਈ ਕਿ ਹੁਣ ਦਿਨ ਚੰਗੇ ਆਉਣਗੇ। ਜਿਉਂ ਹੀ ਕੰਮ ਸ਼ੁਰੂ ਹੋਇਆ ਟਿੱਪਰ ਮਾਲਕਾਂ ਤੇ ਇੱਕ ਅਜਿਹਾ ਟੈਕਸ ਸ਼ੁਰੂ ਹੋ ਗਿਆ ਜਿਸ ਦਾ ਟਿੱਪਰ ਮਾਲਕ ਵੀ ਸਮਝ ਨਹੀ ਪਾ ਰਹੇ ਕਿ ਇਹ ਕੀ ਹੈ? ਕੌਣ ਲਗਾ ਰਿਹਾ ਹੈ? ਤੇ ਕਿਥੇ ਜਾ ਰਿਹਾ ਹੈ? ਕਰੈਸ਼ਰ ਦੇ ਬਾਹਰ ਕੁੱਝ ਨੌਜਵਾਨਾਂ ਦੀਆਂ ਟੋਲੀਆਂ ਖੜ੍ਹ ਗਈਆਂ ਹਨ ਜੋ ਕਿ ਧੱਕੇ ਨਾਲ 1ਰੁਪਏ 30 ਪੈਸੇ ਪ੍ਰੀਤ ਵਰਗ ਫੁੱਟ ਦੇ ਹਿਸਾਬ ਨਾਲ ਇੱਕ ਪਰਚੀ ਕੱਟ ਦਿੰਦੇ ਹਨ। ਜਿਸ ਤੋਂ ਲੋਡਿੰਗ ਸਲਿੱਪ ਲਿਖਿਆ ਹੁੰਦਾ ਹੈ। ਹੈਰਾਨੀ ਇਸ ਗੱਲ ਦੀ ਹੁੰਦੀ ਹੈ ਕਿ ਇਨ੍ਹਾ ਨੂੰ ਸਿਰਫ ਪਰਚੀ ਹੀ ਦਿਤੀ ਜਾਂਦੀ ਹੈ ਜਦਕਿ ਪੈਸੇ ਕਰੈਸ਼ਰ ਮਾਲਕ ਦਿੰਦਾ ਹੈ। ਜਦੋਂ ਕਿ 1 ਰੁਪਏ 60 ਪੈਸੇ ਦੇ ਹਿਸਾਬ ਨਾਲ ਸਰਕਾਰ ਪਹਿਲਾਂ ਹੀ ਕਰੈਸ਼ਰ ਮਾਲਕਾ ਤੋਂ ਪੈਸੇ ਲੈਂਦੀ ਹੈ। ਫਿਰ ਕਿਸੇ ਨੂੰ ਇਹ ਵੀ ਨਹੀ ਪਤਾ ਕਿ ਇਹ ਕਿਸਦੀ ਹੈ। ਸੂਤਰ ਇਹ ਦੱਸਦੇ ਹਨ ਕਿ ਇਹ ਕਥਿਤ ਗੁੰਡਾ ਪਰਚੀ ਇੱਕ ਬਹੁਤ ਉਚ ਕੋਟੀ ਦੇ ਅਕਾਲੀ ਆਗੂ ਦੀ ਸ਼ਹਿ ਤੇ ਚੱਲ ਰਹੀ ਹੈ। ਇਸ ਸਬੰਧੀ ਜਦੋਂ ਡਿਪਟੀ ਕਮਿਸ਼ਨਰ ਰੂਪਨਗਰ ਪ੍ਰਦੀਪ ਅਗਰਵਾਲ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਕਿਹਾ ਕਿ ਇਹ ਕੋਈ ਸਰਕਾਰੀ ਪਰਚੀ ਨਹੀਂ ਹੈ ਅਤੇ ਨਾ ਹੀ ਪ੍ਰਸ਼ਾਸ਼ਨ ਨੂੰ ਇਸ ਸਬੰਧੀ ਕੋਈ ਜਾਣਕਾਰੀ ਹੈ ਤੇ ਜੇਕਰ ਕਿਸੇ ਨੇ ਸ਼ਿਕਾਇਤ ਕੀਤੀ ਤਾਂ ਕਾਰਵਾਈ ਜ਼ਰੂਰ ਹੋਵੇਗੀ।