ਲੰਦਨ, 7 ਅਗੱਸਤ: ਸੰਸਾਰ ਚੈਂਪੀਅਨ ਅਰਜਨਟੀਨਾ ਨੇ ਆਸਟਰੇਲੀਆ ਵਿਰੁਧ ਇਥੇ ਬਰਾਬਰ ਮੁਕਾਬਲਾ ਖੇਡਕੇ ਉਲੰਪਿਕ ਖੇਡਾਂ ਵਿਚ ਮਹਿਲਾ ਹਾਕੀ ਟੂਰਨਾਮੈਂਟ ਦੇ ਸੈਮੀਫ਼ਾਈਨਲ ਵਿਚ ਥਾਂ ਪੱਕੀ ਕੀਤੀ । ਆਸਟਰੇਲੀਆ ਨੂੰ ਸੋਮਵਾਰ ਰਾਤ ਖੇਡੇ ਗਏ ਅੰਤਮ ਪੂਲ ਮੈਚ ਵਿਚ ਜਿ¤ਤ ਦੀ ²ਜ਼ਰੂਰਤ ਸੀ ਪਰ ਇਹ ਮੈਚ ਬਿਨਾ ਕਿਸੇ ਗੋਲ ਦੇ 0-0 ਨਾਲ ਬਰਾਬਰ ਰਹਿਣ ’ਤੇ ਅਰਜਨਟੀਨਾ ਪੂਲ ‘ਬੀ’ ਵਿਚ ਸਿਖਰ ’ਤੇ ਰਿਹਾ ਅਤੇ ਅੰਤਮ ਚਾਰ ਵਿਚ ਪਰਵੇਸ਼ ਕਰ ਗਿਆ । ਇਸ ਪ੍ਰਕਾਰ, ਪੂਲ ਬੀ ਵਿਚ ਅਰਜਨਟੀਨਾ ਸਿਖਰ ’ਤੇ ਜਦ ਕਿ ਨਿਊਜ਼ੀਲੈਂਡ ਅਤੇ ਆਸਟਰੇਲੀਆ ਇਕ ਗੋਲ ਅੰਤਰ ਨਾਲ ਕ੍ਰਮਵਾਰ : ਦੂਜੇ ਅਤੇ ਤੀਸਰੇ ਸਥਾਨ ਉ¤ਤੇ ਰਹੇ। ਹੁਣ ਸੈਮੀਫ਼ਾਈਨਲ ਵਿਚ ਅਰਜਨਟੀਨਾ ਦਾ ਮੁਕਾਬਲਾ ਬੁੱਧਵਾਰ ਨੂੰ ਮੇਜ਼ਬਾਨ ਗਰੇਟ ਬ੍ਰਿਟੇਨ ਨਾਲ ਹੋਵੇਗਾ ਜਦ ਕਿ ਨਿਉਜ਼ੀਲੈਂਡ ਪਿਛਲੇ ਜੇਤੂ ਅਤੇ ਪੂਲ ‘ਏ’ ਦੀ ਸਿਖਰਲੀ ਟੀਮ ਹਾਲੈਂਡ ਨਾਲ ਭਿੜੇਗਾ । (ਏਜੰਸੀ)